Yaad Ho….
March 6, 2008
Hari-hari ghaas pe volleyball
Khelte hue ball kam tumhe zyada
Yaad reh jaayega dekhna
Sapna kuch adhoora, kuch aadha
Tumhaare haathon ka us chai ki pyaali
Se jalna jo garam bhi kahaan thi?
Jaanboojh ke us kameez ko pehanna
Jisme do-chaar button bhi kahaan thi?
Peele ret pe safed thapedon ka umadnaa,
Aur tumhara dobaara darr jana
Ground floor pe chhoti-see awaaz,
Aur tumhara bhaagna, siharr jana
Garmee ke dino me bijli gul aur pareshan
Si tum khadi hoti, baith jaati
Meri har chhoti see chhed-chaad
Hansti, Naaraz hoti, ainth jaati
Safed chaadar ka tumhe peela-sa dikhna,
Aur kaagaz ke tukde badnaam se,
Din-bhar safaai-safaai chillana,
Kaam se pyaar, nafrat aaram se.
Kaagaz ke naao paani me doobana,
Aaj fir mitti geeli ho baithi hai
Dekho tedhi aangan khud naach rahi hai
Tu jo uski gali aa baithi hai…….
Hindihainhum's Weblog 
Achchha hai….tinge of the style of nirala..”bhikshuk” yaad hai na??….pehla stanza ek baar mein samajh mein nahi aaya tha jab alag alag line ko alag sentence maan liya tha…
Anyways you write well in hindi as well…simple and eloquent…i liked it..
congrats for starting this blog …..nice post nai bolunga kyunki ull have to make me understand it properly …kuch kuch jagah kya kahna chah rahe ho im not able to understand ……
waah! bohot dino baad koi hindi mein kavita padha…aasan si bhasha istemal karne ke liye shukriya. 😀 tumhe to pata hai meri hindi bhi kamzor hai fir bhi kuch tippadi karne ki koshish karta hoon: ek achcha prayog aur ise padh ke aisa laga ki tum aaj ke navjawano ki nas pakad lete ho aur shayad isiliye main tumhare inspiration (sry hindi nahi yaad aa raha) ko pehchan liya hoon aur shayad tum bhi. 😛
aur haan agli baar hindi mein kuch likhna to hindi lipi ka prayog karna. 😀
DEEPSHIKHA
Waah! Thanks. ‘Bhikshuk’ hum 1 elocution me bole the aur prize bhi nahi jeete the, isliye kaafi yaad hai.
Waise, waah……….
TAUSEEF
samjhayenge. zaroor samjhayenge. kyunki “achcha, bahut achcha” sunna hai.. 🙂
ANURAG
ANURAG
Inspiration ki hindi hai ‘prerna”. Mile ho “prerna” se? Kabhi aana, milwaayenge! waise waahwaahi ke liye dhanyawaad. Hausla-afzaahi ke liye shukriya..
ummid hai aur kavitayen likhoge…
PRANESH
Mujhe bhi.
Hmmm..Achha hai..ye bhi achha hai..!!
waise saath me vyaakhyaa hota to aur bhi achha hota..:P
Try to write in Devanagari..tab jyada samajh me aayega..
Gazz!
Hindi me bhi maccha dete ho!
Waise, Mera Hindi bhi kamzoor hai 😦 issliye critical comments ka to koi gunjaaish hi nahi hai 😛
so enjoy, all the best for future posts!
mast hai bhai… dekho jyada nahi samjhe… naa hi zor daale… naa hi daalenge… tumko pehle hi bole the ki kavitayon ka pathan humse nahi ho paata jaldi… raahat ki saans li ki bhaavarth nahi likhna hai… 😀 bahut koshish karke padhe hain… aage bhi koshish karenge… kuchh nahi to tippani to kar hi denge… itna aatma vishwaas hai!!!
JANISHAR
Devanagri se mujhe laga ki junta-janardan bhaybheet ho jaayegi! isiliye……..
waise dher sara dhanyawaad…
kuch macha kar kavita likhe ho bhai. padh kar kaafi acha laga. choti choti ghantnao ka atyant hi maarmik varnan kiya gaya hai.
KISALAY
Dhanyawaadddddddddddd!
Tumhaari Hindi bhi sudhar gayi hai! 😛
Waise, u enjoy too… and all the best for reading future posts!!! 🙂
ROHAN
Tumhaare aatm-vishwaas ka LOHA maante hain hum! 😛
vishesh tippaniyon ke liye vishesh dhanyawaad. pathan to maatr ek bhao hai….sachchi khushi to upbhog mein hai……
aap aage bhi aamantrit hain! 🙂
PIYUSH
Dhanyawaad. gehraai tak sochne ke liye ek aur baar dhanyawaad, warna to kambabht waqt kiske paas hai??
🙂
pichhle baar padhe to… sahi mein kam hi samjhe the… shaayad maan hi liye the ki nahi samajhna hai… abhi bahut time hai to dobara padhe… to bahut hi huha laga bhai!!! to soche ek aur comment to deserve karti hai ye kavita…
aur haan… bhagwaan par wishwaas aur badh gaya hai… tum jaise GALAT aadmi se itni sahi kavita likhwa dete hain… sahi mein wo kuchh GOD hain… 😉 😛 😀